Nagkundusir an Municipal Social Welfare and Development Office (MSWDO) nin “Seminar on the Awareness on the Accessibility Law ” nung Disyembre 15, sa AECID Hall, Daraga Public Market Building.

An aktibidad pig-atendiran nin 180 na partisipantes gyalin Public Safety Officer (PSO), community-based volunteers, Brgy. Kapitan san 54 na barangay san Daraga dangan mga president san Persons with Disabilities (PWD) Federation.

Sa pagi ni Arch. Angelo Lindio, pig-diskusir an mga dapat maaraman manungod sa Accessibility law o Batas Pambansa 344 na dapat magka-ayo nin mga pasilidad o gamit an mga establisyemento para sa PWDs. Pigdiskusir man sa pagi ni Efren Llagas, social welfare officer II, an Batas Pambasa 9442 para sa mga direchos dangan prebelihiyo san mga seniors dangan PWDs arug san discounts.